تاللاڭيانفون نۇسخىسى | كومپيۇتېر نۇسخىسىنى كۆرۈش
يازما
ماتىرىيال تۈرى

خەلق قوشاقلىرىمىز ھەققىدە ئىككى كەلىمە

0
ئىنكاس
257
كۆرۈش
[ئۇلانما كۆچۈرۈش]

120

بايلىق

108

يازما

303

جۇغلانما
 

بېكەت مەسئۇلى

3419250388

ئەزا ئۇچۇرى 
تىزىم نومۇرى: 1
 
يازما سانى:
108
 
تىللا:
120  
تۆھپە:
0
 
جەۋھەر يازما:
15
 
توردا:
130 سائەت
 
ئاخىرقى:
2019-6-17
 
 

كېڭەيتىش ماھىرىتەشۋىقات ماھىرىتېما ماھىرىمۇنەۋۋەر مەسئۇلمۆھتىرەم ئەزاپىشقەدەم ئەزا

 
خەلق قوشاقلىرىمىز تارىخىي ۋەقە ۋە تارىخىي شەخسلەر بىلەن باغلانغان بولغاچقا، تارىختىكى بەزى ئىشلارنىڭ مەنبەسىنى سۈرۈشتۈرۈش ۋە ئىسپاتلاشتا ئالاھىدە قىممەتكە ئىگە. خەلق قوشاقلىرى بەلگىلىك تارىخىي پاكىتلارغا ئاساسەن ئىجتىمائىي تۇرمۇشنىڭ ماھىيىتىنى ئەكس ئەتتۈرۈشتە تاللاش، قۇراشتۇرۇش، توقۇش، مۇبالىغىلەشتۈرۈش قاتارلىق بەدىئىي پىششىقلاشتىن ئۆتىدۇ. خەلق قوشاقلىرى تارىخىي ماتېرىياللار ئاساسىدا خەلقنىڭ تارىخىي ۋەقەلەرگە بولغان قارىشىنى ئىپادىلەيدۇ. خەلق قوشاقلىرىنى چىن مەنىدىكى تارىخ بىلەن سېلىشتۇرغاندا ئىككىسى رېئاللىقنى ئەكس ئەتتۈرۈش ئۇسۇلى جەھەتتىن ئوخشىمايدۇ، يەنى تارىخىي ئەسەرلەردە تارىخ ھەقىقىي تۈردە قايتا يېزىلىپ، ئۇدۇللا بايان قىلىنىدۇ، خەلق قوشاقلىرىدا ئەدەبىي ئىجادىيەت ئۇسۇلى قوللىنىلىپ، تارىخىي پاكىتلار جانلىق پېرسوناژلار ئوبرازى، شۇنداقلا چىنلىقتىن ھالقىغان فانتازىيەلەر بىلەن ئەكس ئەتتۈرۈلىدۇ.


  1. خەلق قوشاقلىرى خەلقنىڭ ھېس – تۇيغۇلىرىنى ئىپادىلەش، ئىدىيە ئالماشتۇرۇشىدىكى مۇھىم قورال. خەلقىمىز ئەمگەك، مۇھەببەت، توي – تۆكۈن، دەپنە – مۇراسىم قاتارلىقلاردا ئۆزىنىڭ خۇشاللىقى، خاپىلىقى، ئازابلىرىنى قوشاق ئېيتىش شەكلىدە ئىپادىلەشكە ئادەتلەنگەن. بۇ قوشاقلار خەلقىمىزنىڭ چىداملىق، ئاق كۆڭۈل، مېھماندوست، جاسارەتلىك كەيپىياتىنى ئەكس ئەتتۈرگەن.


  خەلق قوشاقلىرى خەلق ئېغىز ئەدەبىياتىنى، ئۇيغۇر كىلاسسىك ئەدەبىياتىنى، ئاۋام مەدەنىيىتىنى، ئۇيغۇر ئون ئىككى مۇقامىنى، مەشرەپلىرىمىزنى، ئەنئەنىۋى ۋە زامانىۋى مەدەنىيەتنى ئۆگىنىشتىلا ئەمەس، يەنە خەلقىمىزنىڭ ئۇزاق، شانلىق تارىخىنى چۈشىنىش، تەتقىق قىلىشتىمۇ مۇھىم ئەھمىيەتكە ئىگە. مەسىلەن، ‹‹نۇزۇگۇم قوشىقى››، ‹‹خوتەن قوزغىلىڭى›› قاتارلىق قوشاقلار بۇنىڭ مىسالىدۇر.


  قەھرىمانلار قوشاقلىرىدا قەھرىمانلارنىڭ جاسارەتلىك، باتۇر، قەيسەر، قورقماس روھىي ھالىتى قوشاق ئارقىلىق ئەۋلادلارغا يەتكۈزۈلىدۇ ۋە ئۇلارنىڭ روھىدىن ئۆگىنىش تەۋسىيە قىلىنىدۇ. بۇ خىلدىكى قوشاقلار ئەينى دەۋردىكى قەھرىمانلارنىڭ ئىش – پائالىيەتلىرىنى چۈشىنىش ۋە تېخىمۇ ئىچكىرىلەپ تەتقىق قىلىشتا مۇھىم پايدىلىنىش قىممىتىگە ئىگە. مانا بۇ قوشاقلارنىڭ ئىجتىمائىي قىممىتى.


  2. خەلق قوشاقلىرى ئەينى دەۋر تارىخىنى، شۇنداقلا ئۆرپ – ئادەت، ئىجتىمائىي، ئىقتىسادىي ئەھۋالىنى تەتقىق قىلىشتا تارىخىي ماتېرىياللىق قىممىتىگە ئىگە. خەلق قوشاقلىرى تارىخىي ۋەقە ۋە تارىخىي شەخسلەر بىلەن باغلانغاچقا، ئۇ يۇقىرى تارىخىي قىممەتكە ئىگە. خەلق قوشاقلىرى ئادەتتىكى ئەدەبىيات – سەنئەت ئەسەرلىرىدە بولۇشقا تېگىشلىك كەڭ مەنىدىكى تارىخىيلىققا ئىگە بولغاندىن سىرت، يەنە تارىخ بىلەن بىۋاسىتە بىرلىشىپ كەتكەن بولىدۇ. شۇڭا ئۇ تارىختىكى بەزى ئىشلارنىڭ مەنبەسىنى سۈرۈشتۈرۈش ۋە ئىسپاتلاشتا تارىخىي ئەسەر سۈپىتىدە پايدىلىنىلىدۇ.


  3. خەلق قوشاقلىرى ئانا تىلىمىزنىڭ ساپلىقىنى قوغداش ۋە تەرەققىي قىلدۇرۇشتا مۇھىم ئەھمىيەتكە ئىگە. خەلق قوشاقلىرى ئۇيغۇر ئەدەبىي تىلى ۋە خەلق ئېغىز تىلىنىڭ نادىر ئۈلگىلىرىدىن پايدىلانغان. ھازىر تىلىمىزدا چېكىنىش، بۇزۇلۇش ۋە ياتلىشىش ئەھۋاللىرى كۆرۈلمەكتە. بۇ جەھەتتىن ئېيتقاندا، خەلق قوشاقلىرىنىڭ تىلى تىل بايلىقىمىزنى ئاشۇرۇشتا كۆۋرۈكلۈك رول ئوينايدۇ.


  قىسقىسى، ئۇيغۇر خەلق قوشاقلىرىنىڭ مەزمۇنى مول، ئىجتىمائىيەتتىكى ھەرقايسى قاتلاملارنىڭ مەزمۇنىنى ئۆز ئىچىگە ئالغان بولۇپ، ئەنئەنىۋى مەدەنىيىتىمىزنى ساقلاپ قېلىشنىڭ بىر خىل ئۇسۇلى، خەلقىمىزنىڭ قىممەتلىك مەنىۋى بايلىقى.









تۆھپىكارلار:


تور بىكىتىمىزدە قەلبىڭىز شاتلانغۇسى
كىرگەندىن كېيىن ئىنكاس يازالايسىز كىرىش | تىزىملىتىڭ

سەھىپە جۇغلانما قائىدىسى

ئالاھىدە ئەسكەرتىش :شاتلان تور تېخنىكا ماتىرىيال ئامبىرى بىكىتىمىز ھەرقايسى ساھەلەردىكى تور تېخنىكىغا ئائىت بىلىملەرنى تېخىمۇ كۆپ دوسلىرىمىزغا يەتكۈزۈش مەقسىتىدە قۇرۇلغان.ھەمدە تېخىمۇ كۆپ بىلىملەرنى توپلاش ئۈچۈن تېخنىكىغا ئائىت ئۇچۇرلارنى باشقا تېىخنىكا بىكەتلىرىدىن جۇغلىدۇق.شۇجەرياندا بىزدە كۈرۈلگەن سەۋەللىك بولسا ياكى نەشىر ھۇقۇقۇمىزغا دەخلى يەتتى دەپ قارىسىڭىز بىكەت باشلىقى بىلەن ئالاقىلاشسىڭىز تىز سۈرئەتتە بىر تەرەپ قىلىمىز.بىكەت باشلىقى كىيۇ كىيۇ:3419250388

بۇ خەتنى چىكىپ ئۇلىنىش قۇشۇڭ-يانفون نۇسخا-قاماقخانا- شاتلان تورى  

by-xatlan xatlan! X3.2© 2018-2019 xatlan Inc.  

<